Munkh-Platform-ын “Дурсамжийн хуудас” нь технологийн шийдэл болон Монгол уламжлалыг нэгтгэсэн дижитал орон зай юм. Бид дараах 6 үндсэн зорилгын хүрээнд хэрэглэгчдэдээ үйлчилдэг.
1. Дурсамжийн төгсгөлийг зогсоох (The End of Forgetting)
Хүн бие махбодоороо нэг удаа, харин түүнийг мэдэх хамгийн сүүлчийн хүн хорвоог орхиход хоёр дахь удаагаа “мөхдөг”. Бидний зорилго бол энэхүү хоёр дахь мөхлийг зогсоож, тухайн хүний амьдралын түүх, үзэл баримтлалыг дижитал хэлбэрээр “Мөнх” үлдээх явдал юм.
2. Гэрийн булангаас дэлхийн орон зай руу
Уламжлалт дурсамжийн булан зөвхөн нэг гэрт байдаг бол, дижитал хуудас нь дэлхийг холбох гүүр юм. Хол байгаа ах дүү, найз нөхөд нь дэлхийн хаанаас ч энэхүү “Дижитал конер”-т зочилж, хүндэтгэл үзүүлэх боломжтой.
3. Интерактив дурсамж: Зөвхөн үзэх биш, харилцах
Бид дурсамжийг амьд байлгахыг зорьдог. Зочид хуудас дээр зул барих, цэцэг өргөх, хүж асаах зэрэг буяны үйлдлүүдийг бодит цаг хугацаанд хийх бөгөөд энэ нь хуудасны “Буян” хэсэгт шууд нэмэгдэн харагдана. Энэ бол сэтгэл зүйн хувьд хагацлыг хамтдаа даван туулах хүч юм.
4. Мэдээлэл түгээлтийн удирдлага (Controlled Notification)
Хагацал тохиолдсон үед гэр бүлийнхэнд мэдээлэл түгээх нь хүндхэн даваа байдаг.
- Удирдлага: Та тухайн хүний талаарх мэдээллийг хэнд хүргэхээ бүрэн удирдана.
- Хүрээлэл: Зөвхөн гэр бүл үү, ойрын хамаатан садан уу, эсвэл нийгмийн хүрээлэлд (community) мэдээлэх үү гэдгийг системээр дамжуулан цэгцтэй, хүндэтгэлтэйгээр шийдвэрлэнэ.
5. Монгол зан үйлээс суралцах (Cultural Heritage)
Хагацал тохиолдсон хүнд хэцүү үед “юу хийх, ямар зан үйл үйлдэх” талаарх мэдлэг дутмаг байх нь бий. Munkh-Platform нь Монгол уламжлалт зан үйлийн мэдээлэл, зааварчилгааг системтэйгээр хүргэж, ёс заншлаа зөв дагаж мөрдөхөд тань хөтөч болно.
6. Хууль эрх зүйн мэдээлэл авах
Сэтгэл санааны хүнд үед хууль эрх зүйн асуудлууд (өв залгамжлал, бичиг баримтын бүрдүүлэлт гэх мэт) орхигдох эрсдэлтэй байдаг. Бид хэрэглэгчдэдээ энэ үед шаардлагатай хууль эрх зүйн анхан шатны зөвлөгөө, мэдээллийг нэг дороос авах боломжийг бүрдүүлж байна.
Сэтгэгдэл